काठमाडौं । जनमत पार्टीका अध्यक्ष डा. सीके राउत सातदिने भ्रमणका लागि रुस प्रस्थान गरेका छन्।
बिहीबार राति चीनको ग्वान्झाउ हुँदै उनी रुसको राजधानी मस्को गएका हुन्। राउत चाइना साउदर्न एयरलाइन्सको उडान (फ्लाइट नम्बर ३०६८) बाट ग्वान्झाउ उडेका थिए। त्यहाँबाट उनले मस्कोका लागि उडान भरेको स्रोतको भनाइ छ।
जनमत पार्टीले अध्यक्ष राउतको भ्रमणलाई व्यक्तिगत भनेको छ। पार्टीका अनुसार, उनले सात दिन रुसमा रहनेछन्।
यद्यपि, राउतको यो भ्रमणको औपचारिक उद्देश्य भने सार्वजनिक गरिएको छैन।
प्रकाशित मिति: २३ श्रावण २०८२, शुक्रबार
प्रतिक्रिया