काठमाडौँ । अमेरिकी राष्ट्रपति डोनाल्ड ट्रम्पले भारतका प्रधानमन्त्री नरेन्द्र मोदीलाई चार पटक टेलिफोन कल गर्दा पनि मोदीले त्यसलाई रिसिभ नगरेको अन्तर्राष्ट्रिय मिडिया रिपोर्टमा उल्लेख छ।
जर्मन पत्रिका फ्रान्कफर्टर अल्जेमाइन जेइटुङको रिपोर्टलाई उद्धृत गर्दै हिन्दुस्तान टाइम्सले मोदीले ट्रम्पसँग टेलिफोनमा कुराकानी नगरेको जनाएको छ। दुई देशबीचको व्यापार तनाव अमेरिकी सरकारले रुसी कच्चा तेल खरिद गर्दा भारतीय उत्पादनमा थप २५ प्रतिशत कर लगाइसकेपछि बढेको हो।
यसबीच, जापानी समाचार संस्था निक्केई एसियाले पनि अमेरिका र भारतबीचको सम्बन्ध द्रुत गतिमा बिग्रँदै गएको रिपोर्ट गरेको छ। यद्यपि, दुवै देशले पहिले आफ्नो साझेदारीलाई “२१ औं शताब्दीको सबैभन्दा परिणाममुखी” भनेका थिए।
प्रकाशित मिति: ११ भाद्र २०८२, बुधबार
प्रतिक्रिया