- तस्बिर क्यान
काठमाडौं । भारतको आसामविरुद्धको पाँच खेलको टी–२० सिरिज नेपाल ‘ए’ टिमले जितेको छ । गुवाहाटीमा सोमबार सम्पन्न अन्तिम तथा निर्णायक खेलमा नेपालले आसामलाई ४४ रनले पराजित गर्दै सिरिज आफ्नो पक्षमा पार्यो ।
पहिले ब्याटिङ गरेको नेपाल ‘ए’ ले निर्धारित २० ओभरमा ५ विकेट गुमाएर २०८ रनको विशाल योगफल बनाएको थियो । नेपालका सन्दीप जोराले सर्वाधिक ६४ रनको योगदान दिए । शुभ कंसाकारले ४१, इशान पाण्डेले ३२ तथा आदिल अन्सारीले ११ बलमा अविजित २५ रन जोडे ।
२०७ रनको लक्ष्य पछ्याउन मैदानमा उत्रिएको आसामले २० ओभरमा ९ विकेट गुमाउँदै १६४ रन मात्र बनाउन सक्यो । आसामका लागि भार्गव लहकरले सर्वाधिक २९ रन बनाए ।
नेपालका बलर पवन सर्राफ, शेर मल्ल र आकाश चन्दले समान २–२ विकेट झारे भने बसिर अहमदले १ विकेट लिए ।
यससँगै नेपाल ‘ए’ ले पाँच खेलको टी–२० सिरिज निर्णायक रूपमा आफ्नो नाममा गरेको छ ।
प्रकाशित मिति: १६ भाद्र २०८२, सोमबार
प्रतिक्रिया