काठमाडौं । काठमाडौं महानगरपालिकाका मेयर बालेन शाहले प्रधानमन्त्री केपी शर्मा ओलीले कहिल्यै छोराछोरीका ‘बा’ हुन नपाएकाले अरूका छोराछोरी मर्दाको पिडा थाहा नपाएको बताएका छन् ।
प्रधानमन्त्री ओलीमाथि निम्नआदर भाषामा फेसबुक स्ट्याटस लेख्दै बालेनले ओली भरौटेहरूको मात्र ‘बा’ हुन सकेको बताए ।
सामाजिक सञ्जालमा प्रधानमन्त्रीलाई निम्न आदरमा सम्बोधन गर्दै मेयर शाहले भनेका छन्, ‘तेरो भरौटेहरूको पो बा भइस् । साँच्चै नै कहिले बा हुन पाएको भए पो छोराछोरीको मृत्युको पीडा बुज्थिस् ।’
उनले सोमबार देशैभर जेनजीको प्रदर्शनमा राज्यले गरेको धरपकडबारे भनेका छन्, ‘यस्तो आतङ्कवाद यो विश्वले कहिले देखेको थिएन । तँ नेता त के मान्छे पनि बन्न सकेनस्, आतङ्कवादी होस् ।’ त्यसपछि ह्यासट्यागमा केपी ओली इज टेरोरिस्ट लेखेका छन् ।
प्रकाशित मिति: २४ भाद्र २०८२, मंगलबार
प्रतिक्रिया