काठमाडौं । राष्ट्रिय स्वतन्त्र पार्टी (रास्वपा)का सांसद असीम शाहले प्रतिनिधिसभा सदस्य पदबाट राजीनामा दिएका छन्। सरकारले जेनजी आन्दोलनमाथि गरेको दमन र नागरिक अधिकार उल्लंघनविरुद्ध आफूले पद त्यागेको उनले घोषणा गरेका छन्।
शाहले सार्वजनिक गरेको विज्ञप्तिमा शान्तिपूर्ण प्रदर्शनमा गोली चलाउनेजस्ता अमानवीय कदमले लोकतन्त्रको मर्यादा ध्वस्त पारेको उल्लेख छ। “संसद्मा मौन बसिरहनु मेरो विवेक, पुस्ता र मतदाताप्रतिको विश्वासघात हुनेछ,” उनले लेखेका छन्।
उनले संसद्मा पटक–पटक युवाको आवाज उठाए पनि सत्ता पक्षले गम्भीरतापूर्वक नलिएको आरोप लगाएका छन्। “संसद भवन जोगाउन नागरिकमाथि गोली चलाउनु सरकारद्वारा भएको अपराध हो,” उनले भनेका छन्।
राजीनामापछि अब आफू सडकमा उत्रेर जेनजी पुस्तासँगै संघर्ष गर्ने प्रतिवद्धता शाहले व्यक्त गरेका छन्।
प्रकाशित मिति: २४ भाद्र २०८२, मंगलबार
प्रतिक्रिया