भक्तपुर । नेकपा (एमाले)का अध्यक्ष केपी शर्मा ओली आज (बिहीबार) भक्तपुरमा आयोजना गरिएको विशेष कार्यक्रममा सहभागी भई सम्बोधन गर्ने भएका छन् ।
एमाले भक्तपुर जिल्ला कमिटीको आयोजनामा सूर्यविनायक नगरपालिका–७, गुण्डुमा हुने उक्त कार्यक्रममा अध्यक्ष ओलीले हाल देशमा देखिएका राजनीतिक अवस्थाबारे धारणा राख्ने र पार्टीका नेता–कार्यकर्ताले निभाउनुपर्ने जिम्मेवारीबारे निर्देशन दिने कार्यक्रम रहेको बताइएको छ ।
‘समसामयिक राजनीतिक विषयमा विशेष भेटघाट कार्यक्रम’ नाम दिइएको उक्त कार्यक्रममा अध्यक्ष ओलीसँगै पार्टी महासचिव शंकर पोखरेलसहित केन्द्रीय, प्रदेश र जिल्ला तहका नेताहरूको सहभागिता रहने भक्तपुर जिल्ला कमिटीका अध्यक्ष बचन देउजाले जानकारी दिए ।
उनका अनुसार कार्यक्रममार्फत अध्यक्ष ओलीले पछिल्लो असामान्य राजनीतिक परिस्थिति, पार्टीको दृष्टिकोण र आगामी रणनीतिबारे स्पष्ट सन्देश दिने अपेक्षा गरिएको छ ।
प्रकाशित मिति: २३ आश्विन २०८२, बिहिबार
प्रतिक्रिया