काठमाडौं । नेपाली कांग्रेसको पदाधिकारी बैठक आज दिउँसो बस्ने भएको छ । ललितपुरस्थित एक होटलमा दिउँसो १ बजेका लागि बैठक बोलाइएको पार्टी स्रोतले जनाएको छ । तर पार्टी सभापति शेरबहादुर देउवा बैठकमा सहभागी नहुने भएका छन्।
सभापति देउवा अनुपस्थित रहने भएपछि बैठकको अध्यक्षता उपसभापति पूर्णबहादुर खड्काले गर्ने तय भएको छ। भदौ २३ र २४ गतेको जेनजी आन्दोलनपछि देउवा पार्टीको कुनै पनि बैठकमा उपस्थित भएका छैनन्।
आजको बैठकमा पार्टीको केन्द्रीय समिति बैठकका सम्भावित एजेन्डा र समसामयिक राजनीतिक विषयमा छलफल हुने बताइएको छ।
बैठकमा महामन्त्रीद्वय गगन थापा र विश्वप्रकाश शर्माले मंसिरमै नियमित महाधिवेशन गर्ने प्रस्ताव लैजाने तयारी गरेको बताइएको छ ।
तर सभापति देउवानिकट नेताहरू विशेष महाधिवेशनको पक्षमा छैनन् । यता महामन्त्रीद्वय थापा–शर्मा र नेता शेखर कोइरालानिकट केही समूहले विशेष महाधिवेशन माग गर्दै महाधिवेशन प्रतिनिधिहरूको हस्ताक्षर संकलन सुरु गरेका छन् ।
प्रकाशित मिति: २३ आश्विन २०८२, बिहिबार
प्रतिक्रिया