काठमाडौं । नेकपा एमालेका महासचिव शंकर पोखरेलले पार्टी संकटको समयमा एकजुट भएर उभिनुपर्ने बताएका छन्।
भक्तपुरको गुण्डुमा आयोजित कार्यक्रममा बोल्दै पोखरेलले अहिले पार्टी भित्र उठिरहेका पुनर्गठनको माग सान्दर्भिक नरहेको बताए।
‘हामीले विधानअनुसार महाधिवेशन सम्पन्न गरिसक्यौं र महाधिवेशनको संघारमै छौं। कसैले आफू योग्य ठान्यो भने कार्यकर्ताको विश्वास जित्ने अवसर महाधिवेशनमै उपलब्ध छ,’ उनले भने, ‘सडकमा हिँडेर दबाब देखाउनु वा तमासा गर्नु पर्दैन।’
पोखरेलले हरेक नेताले आफ्नो क्षमता र योग्यतालाई कार्यकर्ताबीच प्रस्तुत गर्ने अवसर पाउने पनि बताए।
‘आफूलाई योग्य सावित गर्न महाधिवेशनको हलमा कार्यकर्ताबीच प्रस्तुत हुने मौका सबैलाई उपलब्ध छ। संकटको समयमा पार्टीमा विभाजन होइन, एकता आवश्यक छ,’ महासचिव पोखरेलले जोड दिए।
प्रकाशित मिति: २३ आश्विन २०८२, बिहिबार
प्रतिक्रिया