काठमाडौं । नेकपा एमालेका अध्यक्ष केपी शर्मा ओलीले आफ्नाे पासपोर्ट रोकेको र उपत्यका छोड्न रोक लगाएको विषयप्रति आपत्ति व्यक्त गर्दै प्रधानमन्त्री सुशीला कार्कीको डरले आफू भाग्ने होइन भन्ने स्पष्ट पारेका छन्।
भक्तपुरमा आयोजित कार्यक्रममा बोल्दै उनले आफूलाई पक्राउ गर्ने धम्की, पासपोर्ट रोक्ने र उपत्यका बाहिर नजान दिने जस्ता कदमले उस्साह नफैलोस् भनी गृहमन्त्री ओमप्रकाश अर्याललाई सचेत गराएका छन्। ओलीले राजनीतिलाई खेल खेल जस्तो छैन भनी पनि ख्याल राख्न आग्रह गरे।
‘पासपोर्ट रोकिएको छ भन्ने सुनें, डाँडो काट्न नहुने भनिएको छ — सुशीला कार्कीको डरले केपी ओली भाग्छ र?’ उनले प्रश्न गरे। उनले थपे, ‘हुन त म हालका गृहमन्त्रीलाई चिंदिन, तर गृहमन्त्रीज्यूलाई सुझाव दिन चाहन्छु — धेरै उत्तेजित नहुनुहोस् र नचम्किनुहोस्। राजनीति र देश सञ्चालन कुनै ठट्टा बस्तु होइन।’
ओलीले एमाले र आफ्ना कार्यकर्ता जेल–कष्ट भोगेर आएका व्यक्ति भएको स्मरण गराउँदै पार्टीलाई दबाउन, तिरस्कृत गर्न नचाहिने पनि बताएका छन्। ‘हाम्रो लागि जेल–हालेर आउने कुरा नयाँ होइन,’ उनले भने, ‘हामी राष्ट्रको स्वाभिमानका लागि बलिदान दिन तयार छौं; हामीलाई उपहास गरेर जिस्काउन नमिल्ने हो।’
त्यसैगरी उनले वर्तमान अवस्थामा देशको सार्वभौमसत्तामाथि आक्रमण भइरहेको उल्लेख पनि गरे।
प्रकाशित मिति: २३ आश्विन २०८२, बिहिबार
प्रतिक्रिया