काठमाडौं । गृहमन्त्री ओमप्रकाश अर्यालले बिहीबार सिंहदरबारस्थित मन्त्रालयमा सुरक्षा निकायका प्रमुखहरूसँग विशेष बैठक गरेका छन्।
बैठकमा नेपाल प्रहरीका आइजिपी चन्द्रकुबेर खापुङ, सशस्त्र प्रहरीका आइजिपी राजु अर्याल, राष्ट्रिय अनुसन्धान विभागका प्रमुख टेकेन्द्र कार्कीसहित सेनाका प्रतिनिधिहरू पनि सहभागी थिए।
स्रोतका अनुसार बैठकमा पछिल्ला राजनीतिक घटनाक्रम र सुरक्षा चुनौतीबारे व्यापक छलफल भएको थियो। त्यस्तै, बिहीबारको सम्भावित प्रदर्शन र यसमा दुर्गा प्रसाईंको संलग्नताबारे पनि विश्लेषण गरिएको गृह स्रोतले जानकारी दिएको छ।
‘पछिल्ला घटनाक्रम, सुरक्षा चुनौती र दुर्गा प्रसाईंको फ्याक्टरबारे विश्लेषण गरेर छलफल गरिएको थियो,’ स्रोतले बताए।
प्रकाशित मिति: २३ आश्विन २०८२, बिहिबार
प्रतिक्रिया