काठमाडौं । राष्ट्रिय स्वतन्त्र पार्टी (रास्वपा)को सचिवालय बैठक आज पुनः बस्ने भएको छ । बैठक बिहान ११ बजे पार्टी केन्द्रीय कार्यालय वनस्थलीमा सुरु हुने तय गरिएको छ ।
आजको बैठकमा देशको ताजा राजनीतिक अवस्था र समसामयिक विषयहरूबारे विस्तृत छलफल हुने रास्वपाले जनाएको छ । त्यससँगै सद्भाव यात्रा कार्यक्रम, आगामी विस्तारित बैठकका एजेन्डा तय गर्ने कार्य तथा विपद् व्यवस्थापनमा पार्टीको भूमिका स्पष्ट गर्ने विषयहरू पनि प्रमुख एजेन्डाका रूपमा रहनेछन् ।
यसअघि असोज २२ गते बसेको सचिवालय बैठकमा उठेका विषयको निरन्तरता स्वरूप आजको बैठक आयोजना गरिएको पार्टी स्रोतले जानकारी दिएको छ ।
प्रकाशित मिति: २४ आश्विन २०८२, शुक्रबार
प्रतिक्रिया