काठमाडौं । नेकपा (एमाले) को केन्द्रीय कमिटी बैठक तयारी नपुगेको कारण दुई दिन पर सारिएको छ । यसअघि असोज २७ गते बस्नेगरि तय भएको बैठक अब असोज २९ गते बस्ने भएको हो ।
बैठक असोज २९ गतेदेखि असोज ३१ गतेसम्म बस्ने तय भएको छ । आज पार्टीको सचिवालय बैठक जारी छ । आजको बैठकले केन्द्रीय कमिटी बैठकका एजेण्डा तय गर्ने भनिएको छ ।
बैठक अध्यक्ष केपी शर्मा ओली भाडामा बसेको भक्तपुरको गुण्डुको घरमा जारी छ । अध्यक्ष ओलीले अहिलेको सुशीला कार्की नेतृत्वको सरकारलाई असंवैधानिक र अलोकतान्त्रिक भनेका छन् । एमाले संसद् पूनःस्थापनाको पक्षमा दृढताका साथ उभिने भनेर ओलीले हिजो नै घोषणा गरिसकेका छन् ।
प्रकाशित मिति: २४ आश्विन २०८२, शुक्रबार
प्रतिक्रिया