काठमाडौं । राष्ट्रपति रामचन्द्र पौडेल स्वास्थ्य समस्या भएपछि अस्पताल भर्ना भएका छन्।
शनिबार जेन–जी आन्दोलनका प्रतिनिधिहरूसँग निर्धारित छलफलअघि अस्वस्थ भएपछि उनले कार्यक्रम स्थगित गरी उपचारका लागि अस्पताल पुगेका हुन्।
अस्पताल स्रोतका अनुसार राष्ट्रपति पौडेललाई महाराजगन्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएको छ।
उनी अस्पताल पुगेको करिब दुई घण्टा बितिसकेको र हाल प्रारम्भिक स्वास्थ्य परीक्षण भइरहेको अस्पतालले जनाएको छ।
राष्ट्रपतिको स्वास्थ्यस्थितिबारे चिकित्सक टोलीले प्रारम्भिक मूल्यांकनपछि विस्तृत जानकारी सार्वजनिक गर्ने तयारी गरेको छ।
प्रकाशित मिति: २५ आश्विन २०८२, शनिबार
प्रतिक्रिया