काठमाडौं । नयाँ नियुक्त युवा तथा खेलकुद मन्त्री बब्लु गुप्ताले आइतबार पदभार ग्रहण गरेका छन्। राष्ट्रपति कार्यालय शीतल निवासमा पद तथा गोपनीयताको शपथ लिएपछि उनी सिंहदरबारस्थित मन्त्रालय पुगेका हुन्।
मन्त्रालयमा कार्यभार सम्हाल्दै मन्त्री गुप्ताले पहिलो निर्णयका रूपमा मन्त्रालय र मातहतका सबै निकायका बैठकहरू प्रत्यक्ष प्रसारण (लाइभ) गर्ने व्यवस्था लागू गर्ने घोषणा गरेका छन्।
उनका अनुसार यो पहलले पारदर्शिता र जवाफदेहिताको संस्कृतिलाई सुदृढ बनाउनेछ।
प्रकाशित मिति: ९ कार्तिक २०८२, आइतबार
प्रतिक्रिया