काठमाडौं । नेपाली कांग्रेसका सभापति शेरबहादुर देउवा आज शुक्रबार बेलुकी सिंगापुरबाट स्वदेश फर्कन लागेका छन्। देउवा फर्किन लागेको जानकारी उनी निकट एक नेताले पुष्टि गरेका छन्।
देउवा पत्नी डा. आरजु राणा देउवाका साथ उपचारका लागि कात्तिक १० गते सिंगापुर प्रस्थान गरेका थिए। जेन–जी आन्दोलनका क्रममा उनीहरू दुबैजना सांघातिक आक्रमणमा परेर घाइते भएका थिए।
२४ भदौमा आक्रमणमा परी सार्वजनिक रूपमा देखिन नरहेका देउवा दम्पती २८ असोजमा बसेको कांग्रेस केन्द्रीय कार्यसमिति बैठकमा पहिलोपटक उपस्थित भएका थिए।
उक्त बैठकमै सभापति देउवाले उपसभापति पूर्णबहादुर खड्कालाई कार्यवाहक सभापतिको जिम्मेवारी तोक्दै पार्टीको नियमित कार्य सञ्चालनका लागि आवश्यक अधिकार हस्तान्तरण गरेका थिए।
प्रकाशित मिति: २८ कार्तिक २०८२, शुक्रबार
प्रतिक्रिया