काठमाडौं । गोकर्णेश्वर नगरपालिका–८, अत्तरखेल चोकबाट नेपाली एक हजार रुपैयाँ मूल्यका ७६ थान नक्कली नोटसहित ६ जना पक्राउ परेका छन्। पक्राउ पर्नेमा शंखरापुर नगरपालिका-४ साँखु बस्ने सिन्धुपाल्चोक बाह्रबिसे गाउँपालिका-२ घर भएका ३२ वर्षीय दावा नोर्वु शेर्पा समेत ६ जना रहेको जिल्ला प्रहरी परिसर काठमाडौँले जनाएको छ ।
जिल्ला प्रहरी परिसर काठमाडौँ र प्रहरी वृत्त बौद्धबाट खटिएको संयुक्त टोलीले उनीहरूलाई गएराति नक्कली नोटसहित पक्राउ गरेको हो। प्रहरीले घटनास्थलबाट बरामद गरेको नक्कली नोटसहित आवश्यक अनुसन्धान प्रक्रिया अघि बढाइरहेको जानकारी दिएको छ।
प्रकाशित मिति: १७ पुस २०८२, बिहिबार
प्रतिक्रिया