काठमाडौं । गृहमन्त्री ओमप्रकाश अर्यालले वीर अस्पतालमा अनशनरत डा. कमल (निकोलस) भुसालसँग भेटवार्ता गरेका छन्।
बुधबार राति अस्पताल पुगेका गृहमन्त्री अर्यालले डा. भुसालको स्वास्थ्य अवस्थाबारे जानकारी लिँदै अनशन अन्त्य गर्न आग्रह गरेका हुन्। विराटनगरमा सम्पन्न प्रदेशस्तरीय सुरक्षा गोष्ठीको बैठक सकेर काठमाडौँ फर्किएलगत्तै उनी सिधै वीर अस्पताल पुगेका थिए।
भेटका क्रममा गृहमन्त्री अर्यालले डा. भुसालले उठाएका जायज मागहरू सम्बोधन गर्न सरकार तयार रहेको स्पष्ट पारे। उनले मागहरू समाधान हुने विश्वास दिलाउँदै डा. भुसाललाई तत्काल अनशन तोड्न आग्रह गरेको स्रोतले जनाएको छ।
प्रकाशित मिति: १७ पुस २०८२, बिहिबार
प्रतिक्रिया