जनकपुर । सर्लाही मा बेहोस भएका एक मतदान अधिकृतको मृत्यु भएको छ। मृत्यु हुनेमा ४२ वर्षीय रघुनाथ महतो रहेका छन्।
महतो पर्सा गाउँपालिका–४ स्थित जिगडवा आधारभूत विद्यालयमा स्थापना गरिएको मतदान केन्द्रमा मतदान अधिकृतको रूपमा खटिएका थिए। उनी माधव नारायण नगरपालिका–६, रौतहट का बासिन्दा तथा स्वास्थ्य सेवाका सिनियर अहेब (सहायक स्वास्थ्यकर्मी) थिए।
मंगलबार बिहान अचानक बेहोस भएपछि उनलाई उपचारका लागि प्रादेशिक अस्पताल मलंगवा लगिएको थियो।
उपचारका क्रममा दिउँसो करिब साढे २ बजेतिर चिकित्सकले उनलाई मृत घोषणा गरेका हुन्।
प्रकाशित मिति: १९ फाल्गुन २०८२, मंगलबार
प्रतिक्रिया