काठमाडौं । पूर्वी नेपालको प्रमुख सहरलाई लक्षित गरी ‘जाउँ है पोखरा’ कार्यक्रम सुरु गरिएको छ, जसको मुख्य उद्देश्य आन्तरिक पर्यटन प्रवर्द्धन गर्नु हो। यो कार्यक्रम होटेल संघ नेपाल (हान), पोखरा द्वारा आयोजना गरिएको हो भने नेपाल पर्यटन बोर्ड, गण्डकी प्रदेश कार्यालयको समन्वय तथा सहकार्यमा आजदेखि चैत १३ सम्म सञ्चालन हुनेछ।
हानका अध्यक्ष लक्ष्मण सुवेदीका अनुसार, विगत २२ वर्षदेखि सञ्चालनमा रहेको यो अभियानले वीरगञ्ज, हेटौँडा, विराटनगर, इलाम जस्ता सहरमा पर्यटन प्रवर्द्धनात्मक कार्यक्रम आयोजना गर्दै आएको छ।
पोखरामा अभियानका क्रममा १९ सदस्यीय टोलीमा पर्यटन व्यवसायी, होटेल व्यवसायी र सञ्चारकर्मी समावेश छन्। उनीहरूले पूर्वी नेपालको पर्यटन व्यवसायीसँग साझेदारी, छलफल र अन्तरक्रिया गर्ने, साथै प्रचार सामग्री वितरण गर्ने कार्यक्रम सञ्चालन गर्ने छन्।
उक्त अवसरमा विभिन्न आन्तरिक पर्यटन प्याकेजसमेत सार्वजनिक गरिनेछ। अध्यक्ष सुवेदीले भने, “संघकै आयोजनामा हरेक नेपाली नयाँ वर्षका अवसरमा हुने फेवा नव वर्ष महोत्सवको २१औँ संस्करणका लागि पूर्वी नेपालका स्थानीयलाई निम्तो दिनु पनि हाम्रो उद्देश्य हो।” महोत्सव चैत २९ देखि वैशाख १ सम्म फेवाताल किनाराको लेकसाइड क्षेत्रमा सञ्चालन हुनेछ। महोत्सव पर्यटन, संस्कृति र खानालाई जोडेर नेपाली कला र संस्कृतिको संरक्षण तथा प्रवर्द्धनको उद्देश्यले आयोजना हुँदै आएको छ।
नेपाल पर्यटन बोर्ड गण्डकी प्रदेशका प्रमुख मणिराज लामिछानेले पोखरा पर्यटनको राजधानी भएको र यस अभियानले सहरलाई पर्यटकको पहिलो रोजाइको गन्तव्य बनाउन महत्वपूर्ण सहयोग गर्ने बताए।
कार्यक्रमले पूर्वी नेपाल र पोखराबीचको पर्यटन साझेदारी पनि बढाउने लक्ष्य राखेको छ। यस क्रममा पोखराबाट पूर्वी शहरहरू जस्तै भद्रपुर र विराटनगरसम्मको सिधा हवाई सेवा पुनः नियमितता दिने र ती शहरबाट पोखरासम्मस्तरीय पर्यटक बस सेवा सञ्चालन गर्ने प्रस्ताव पनि राखिनेछ।
अध्यक्ष सुवेदीले पोखराको होटेल क्षेत्रमा करिब ६ अर्ब रुपैयाँ लगानी भएको र यहाँ १२०० होटेल सञ्चालनमा रहेको जानकारी दिए। यस्ता होटेलहरूले करिब १५ हजार जनालाई प्रत्यक्ष रोजगारी उपलब्ध गराएको संघले जनाएको छ।
प्रकाशित मिति: ९ चैत्र २०८२, सोमबार
प्रतिक्रिया