काठमाडौं । गुण्डागर्दी गतिविधिमा संलग्न रहेको आरोपमा नेकपा एमाले निकट भ्रातृ संगठन युवा संघका नेता वकिल बम पक्राउ परेका छन्।
उपत्यका अपराध अनुसन्धान कार्यालयले आपराधिक गतिविधिमा संलग्न व्यक्तिहरूमाथि निगरानी बढाउने क्रममा बमलाई शुक्रबार राति नियन्त्रणमा लिएको हो। उनी युवा संघको सचिवालय सदस्यका रूपमा संगठनको कार्यालय टिममा सक्रिय रहँदै आएका थिए।
हाल बम अपराध अनुसन्धान कार्यालयको हिरासतमा छन्। सोही अभियानअन्तर्गत प्रहरीले उनीसहित १३ जनालाई नियन्त्रणमा लिएको जनाएको छ।
कालिकोटको पलाता गाउँपालिका स्थायी घर भएका बम पछिल्लो समय काठमाडौंको ठमेल क्षेत्रमा सक्रिय थिए।
प्रकाशित मिति: २१ चैत्र २०८२, शनिबार
प्रतिक्रिया