काठमाडौं। पेट्रोलियम पदार्थको मूल्यवृद्धिविरुद्ध जेनजी युवाहरूले राजधानी काठमाडौंमा विरोध प्रदर्शन गरेका छन्।
इन्धनको मूल्य बढेसँगै दैनिक उपभोग्य वस्तुहरूको मूल्यसमेत बढ्ने चिन्ता व्यक्त गर्दै जेनजी सुनिल सिंहको अगुवाइमा जेनजीहरुले सडकमा उत्रिएर असन्तुष्टि जनाएका हुन्।
उनीहरूले महंगीको मार बन्द गर, पेट्रोल कर कम गर, मूल्य घटाएर जनतालाई राहत देउ, पेट्रोलमा कर खारेज गर लगाएतका प्लेकार्ड प्रदर्शन गरेका थिए ।
राष्ट्रिय जेनजी नागरिक अभियान र कुशासनविरुद्धको महाअभियानको संयुक्त आयोजनामा सम्पन्न उक्त प्रदर्शनमा सहभागीहरूले पेट्रोलमा लगाइँदै आएका विभिन्न करहरू खारेज गरी मूल्य घटाउन सरकारसँग माग गरेका छन्।
प्रकाशित मिति: २१ चैत्र २०८२, शनिबार
प्रतिक्रिया