काठमाडौं। राष्ट्रिय स्वतन्त्र पार्टी (रास्वपा) सभापति रवि लामिछानेले पार्टीका सांसदहरूलाई आफन्तजनलाई नियुक्ति दिलाउने काममा संलग्न नहुन कडा निर्देशन दिएका छन् ।
सिंहदरबारस्थित संसदीय दलको कार्यालयमा बिहीबार बसेको संसदीय दलको बैठकमा सभापति लामिछानेले उक्त कडा निर्देशन दिएका हुन् ।
उनले भने, “हामी जेनजीको बलिदानबाट यहाँसम्म आएका हौं । त्यसको मर्म बुझ्नुहोस् । आफन्तलाई नियुक्ति दिलाउने वा सिफारिस गर्ने काममा कुनै पनि सांसद संलग्न नहुनुहोस् ।”
बैठकमा संसदीय दलका नेता तथा प्रधानमन्त्री बालेन्द्र शाह (बालेन) पनि सहभागी थिए । यद्यपि प्रधानमन्त्री शाहले बैठकमा केही बोलेनन् ।
रवि लामिछानेको यो निर्देशनले रास्वपाले भ्रष्टाचार र नातावादविरुद्ध शून्य सहनशीलता नीति अपनाएको स्पष्ट सन्देश दिएको छ ।
प्रकाशित मिति: २७ चैत्र २०८२, शुक्रबार
प्रतिक्रिया