काठमाडौं। इरानले आफ्ना छिमेकी देश साउदी अरेबिया, युएई, कतार, बहराइन र कुवेतसँग युद्धमा भएको क्षतिको क्षतिपूर्ति माग गरेको छ ।
संयुक्त राष्ट्र संघका लागि इरानका राजदूत अमिर सईद इरवानीले संयुक्त राष्ट्र संघका महासचिव एन्टोनियो गुटेरेसलाई पत्र पठाएका छन् ।
पत्रमा भनिएको छ, “यी पाँच देशहरूले अन्तर्राष्ट्रिय कानून उल्लङ्घन गरेका छन् र इरानप्रतिको आफ्नो जिम्मेवारी पूरा गरेका छैनन् । त्यसैले, अब उनीहरूको अन्तर्राष्ट्रिय जिम्मेवारी स्थापित भएको छ । उनीहरूले इरानलाई भौतिक र मानसिक क्षति सहित सबै क्षतिको पूर्ण क्षतिपूर्ति दिनुपर्छ ।”
बीबीसी फारसीका अनुसार इरानी राजदूत अमिर सईद इरवानीले लेखेको यो पत्र समाचार एजेन्सी इर्नाले प्रकाशित गरेको छ ।
इरानले यस्तो माग गरेको यो पहिलो पटक होइन । यसअघि पनि इरानले युद्धमा भएको क्षतिको क्षतिपूर्ति अमेरिकासँग माग गरेको थियो ।
यो मागले मध्यपूर्वमा तनाव थप बढ्ने र छिमेकी देशहरूसँग इरानको सम्बन्धमा नयाँ जटिलता थपिने देखिएको छ ।
प्रकाशित मिति: १ बैशाख २०८३, मंगलबार
प्रतिक्रिया