काठमाडौं । सम्पत्ति शुद्धीकरण अनुसन्धान विभागले व्यवसायी दीपक भट्ट र सुलभ अग्रवाल को निवास तथा हिमालयन रि-इन्स्योरेन्सको कार्यालयमा छापा मारेको छ।
विभागले मंगलबार दुवै व्यवसायीको निजी निवाससहित हिमालयन रि-इन्स्योरेन्सको कार्यालयमा एकैसाथ छापा मारी आवश्यक कागजात तथा प्रमाण संकलन गरेको स्रोतले जनाएको छ। अनुसन्धानका क्रममा ती कागजातहरू नियन्त्रणमा लिइएको विभागका एक अधिकारीले पुष्टि गरेका छन्।
सम्पत्ति शुद्धीकरणसम्बन्धी मुद्दामा पक्राउ परेका भट्ट र अग्रवाल हाल हिरासतमा रहेका छन् भने घटनासम्बन्धी थप अनुसन्धान अघि बढाइएको विभागले जनाएको छ।
प्रकाशित मिति: २ बैशाख २०८३, बुधबार
प्रतिक्रिया