काठमाडौं । नेपाली कांग्रेसले पार्टीका नेता पूर्णबहादुर खड्कासँग सात दिनभित्र स्पष्टीकरण पेश गर्न निर्देशन दिएको छ।
बुधबार बसेको पार्टी केन्द्रीय अनुशासन समितिको बैठकले पूर्व उपसभापति खड्कासँग लिखित स्पष्टीकरण माग्ने निर्णय गरेको हो।
अनुशासन समितिले यसअघि चैत १४ गते पार्टीको आधिकारिक लेटरहेडको दुरुपयोग गरी वक्तव्य जारी गरेको भन्दै चैत १८ गते बसेको बैठकबाट उनलाई एकपटकका लागि चेतावनी दिएको थियो। तर त्यसपछि पनि खड्काले चैत ३० गते आफूलाई नभएको जिम्मेवारी उल्लेख गर्दै पार्टीको जिम्मेवारीमै रहेको दाबी गरेका थिए र पुनः प्रेस विज्ञप्ति जारी गरेका थिए।
समितिका अनुसार खड्काका यी गतिविधि पार्टी विधानविपरीत रहेको ठहर गर्दै नेपाली कांग्रेसको विधान २०१७ (संशोधनसहित) को धारा ३४ को उपधारा ८ (घ) अनुसार सात दिने स्पष्टीकरण सोध्ने निर्णय गरिएको हो।
प्रकाशित मिति: २ बैशाख २०८३, बुधबार
प्रतिक्रिया