काठमाडौं । नेपाली कांग्रेसका निवर्तमान कार्यवाहक सभापति पूर्णबहादुर खड्का ले केन्द्रीय सदस्यहरूको बैठक बोलाएका छन् ।
निवर्तमान कार्यबाहक सभापति पूर्णबहादुर खड्का ले १४औं महाधिवेशनबाट निर्वाचित पदाधिकारी र केन्द्रीय सदस्यहरूको बैठक बोलाएका हुन् । बैठक धुम्बाराहीस्थित स्मार्ट होटलमा दिउँसो १२ बजे बस्नेगरी बोलाएका हुन् ।
सर्वोच्च अदालतले भने १४ औं महाधिवेशनबाट निर्वाचित कार्यसमितिलाई गत पुस अन्तिममा भएको विशेष महाधिवेशनले प्रतिस्थापन गरिसकेको ठहर गर्दै १४ औं महाधिवेशनबाट निर्वाचित कार्यसमिति पदमुक्त भइसकेको फैसला गरेको छ । यो फैसलाले खड्काको पद पनि खोसिइसकेको छ ।
बैठकमा १५औँ महाधिवेशनमा के गर्ने भन्ने विषयमा छलफल हुने बताइएको छ । छलफलपछि निकटका केन्द्रीय सदस्यहरुको बैठक आज बोलाइएको हो ।
प्रकाशित मिति: ६ बैशाख २०८३, आइतबार
प्रतिक्रिया