काठमाडौं । सर्वोच्च अदालतले राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध दायर गरिएको रिट निवेदन दर्ता गर्न अस्वीकार गरेको छ।
लामिछानेलाई सांसद पदबाट निलम्बन गरी उनका काम कारबाहीमा रोक लगाउन माग गर्दै पेश गरिएको रिटलाई अदालत प्रशासनले दरपिठ गरेको हो।
अधिवक्ता आयुष बडालसहितले सम्पत्ति शुद्धीकरणसम्बन्धी मुद्दा विचाराधीन रहेको अवस्थामा लामिछाने स्वतः निलम्बित हुनुपर्ने जिकिर गर्दै रिट दायर गरेका थिए। तर उक्त निवेदन दर्ता नगर्ने निर्णय गरिएको अदालतका प्रवक्ता अर्जुनप्रसाद कोइरालाले जानकारी दिएका छन्।
प्रकाशित मिति: ९ बैशाख २०८३, बुधबार
प्रतिक्रिया