काठमाडौँ । नियमित गस्तीमा खटिएको प्रहरी टोलीले देशका विभिन्न स्थानबाट पाँच जनालाई पक्राउ गरेको छ ।
चन्द्रागिरी नगरपालिका–२ नागढुङ्गाबाट खैरो हेरोइनसहित बर्दिया, गुलरिया नगरपालिका–१ का २४ वर्षीय निकलेश गोडियालाई शुक्रबार पक्राउ गरिएको प्रहरीले जनाएको छ ।
केन्द्रीय प्रहरी समाचारकक्षका अनुसार तनहुँको देवघाट गाउँपालिका–५, सेतीभतेरी टोलका ३६ वर्षीय रोहित उर्फ कृष्ण तामाङलाई गाँजा र चिकित्सकको सिफारिसमा मात्र खरिद गर्न मिल्ने विभिन्न औषधिसहित नियन्त्रणमा लिइएको छ । उनको घर खानतलासी गर्दा जरायोका सिङ र गैंडाको छाला समेत बरामद भएको प्रहरीले जानकारी दिएको छ ।
त्यसैगरी, झापाको हल्दीबारी गाउँपालिका–३ बाङ्गे बजारबाट खैरो हेरोइनसहित तीन जनालाई शुक्रबार नै पक्राउ गरिएको छ ।
प्रकाशित मिति: १२ बैशाख २०८३, शनिबार
प्रतिक्रिया