काठमाडौँ । राप्रपा संसदीय दलका नेता ज्ञानेन्द्र शाहीले सुकुम्बासी बस्ती हटाउने सरकारको कदमप्रति समर्थन जनाएका छन्। उनले वास्तविक सुकुम्बासी पहिचान गरी उचित व्यवस्थापन गर्ने सरकारको नीति सकारात्मक रहेको बताएका छन्
उनले वर्षौंदेखि बसोबास गर्दै आएका विपन्न नागरिकको अधिकार सुनिश्चित गर्नुपर्नेमा जोड दिँदै सुकुम्बासीको नाममा हुने दुरुपयोग रोक्नु आवश्यक रहेको बताए। शाहीका अनुसार सबैलाई कानुनी दायरामा ल्याउने प्रयास स्वागतयोग्य छ।
‘वास्तविक सुकुम्बासीलाई न्याय दिनु राज्यको दायित्व हो, तर नक्कलीको नाममा भइरहेको अतिक्रमण अन्त्य हुनुपर्छ,’ उनले भने।
साथै, उनले सरकारलाई रचनात्मक सहयोग गर्नु सबैको जिम्मेवारी भएको उल्लेख गर्दै प्रतिपक्षलाई विरोधी मात्र नभई सहयात्रीका रूपमा लिनुपर्ने धारणा व्यक्त गरे। दीर्घकालीन समाधानका लागि सहकार्य र संवाद अपरिहार्य रहेको उनले दोहोर्याए।
प्रकाशित मिति: १२ बैशाख २०८३, शनिबार
प्रतिक्रिया