काठमाडौं । सवारी ज्यान मुद्दामा कैद सजाय पाएका एक फरार कैदीलाई रुपन्देही प्रहरीले पक्राउ गरेको छ।
जिल्ला प्रहरी कार्यालय रुपन्देहीका सूचना अधिकारी प्रहरी नायब उपरीक्षक कृष्णकुमार चन्दका अनुसार तिलोत्तमा नगरपालिका–१५ सखुवानीबाट २६ वर्षीय अजय थारुलाई मंगलबार नियन्त्रणमा लिइएको हो।
प्रहरीका अनुसार थारु गत भदौ २४ गते काठमाडौँस्थित कारागार कार्यालय जगन्नाथदेवलमा भएको तोडफोड तथा आगजनी घटनाका क्रममा फरार भएका थिए।
पक्राउ परेका थारुलाई आवश्यक कानुनी प्रक्रिया पूरा गरी पुनः कारागारमा पठाइएको जिल्ला प्रहरी कार्यालय रुपन्देहीले जनाएको छ।
प्रकाशित मिति: १६ बैशाख २०८३, बुधबार
प्रतिक्रिया