काठमाडौँ । संवैधानिक परिषद्को बैठक आज बस्दै छ । सर्वोच्च अदालतको प्रधानन्यायाधीश नियुक्ति प्रक्रिया अघि बढाउन साँझ ५ बजे बैठक बोलाइएको हो ।
बैठकको मुख्य कार्यसूची प्रधानन्यायाधीश नियुक्तिका लागि सिफारिस गर्ने रहेको छ ।
बैठकमा सभामुख डोलप्रसाद अर्याल, राष्ट्रिय सभाका अध्यक्ष नारायणप्रसाद दाहाल, कानून, न्याय तथा संसदीय मामिलामन्त्री सोविता गौतम, प्रतिनिधिसभामा विपक्षी दलका नेता भीष्मराज आङ्देम्बे तथा प्रतिनिधिसभाकी उपसभामुख रुवी कुमारी ठाकुरलाई आमन्त्रण गरिएको छ ।
सरकारले हालै प्रधानमन्त्रीसहित तीन जनाको समर्थनमा परिषद्ले निर्णय लिन सक्ने व्यवस्था सहितको अध्यादेश ल्याएको थियो । उक्त प्रावधानप्रति प्रमुख विपक्षी दल नेपाली कांग्रेसले भने आपत्ति जनाउँदै आएको छ ।
प्रकाशित मिति: २४ बैशाख २०८३, बिहिबार
प्रतिक्रिया