काठमाडौं । प्रधानन्यायाधीशमा सिफारिस भएका डा. मनोज शर्माको संसदीय सुनुवाइ प्रक्रिया आजदेखि औपचारिक रूपमा सुरु हुने भएको छ।
संसदीय सुनुवाइका लागि शुक्रबार दिउँसो ४ बजे बैठक बोलाइएको छ। बैठक सिंहदरबारस्थित राज्य व्यवस्था तथा सुशासन समितिको कार्यकक्षमा बस्नेछ।
बैठकमा प्रस्तावित प्रधानन्यायाधीश शर्माको सुनुवाइ प्रक्रिया अघि बढाउने कार्यसूची तय गरिएको छ।
यसअघि बिहीबार बसेको संवैधानिक परिषद्को बैठकले शर्मालाई सर्वोच्च अदालतको प्रधानन्यायाधीशमा नियुक्तिका लागि सिफारिस गरेको थियो। सिफारिस सूचीमा उनी चौथो नम्बरमा रहेका कारण निर्णयप्रति केही आलोचना पनि भइरहेको छ।
प्रकाशित मिति: २५ बैशाख २०८३, शुक्रबार
प्रतिक्रिया