काठमाडौं । त्रिचन्द्र क्याम्पसमा स्ववियुको पहलमा आयोजना गरिएको ‘खुला संवाद’ कार्यक्रममा शिक्षामन्त्री सस्मित पोखरेल अनुपस्थित भएपछि विद्यार्थीहरूले खाली कुर्सीसामु नै प्रश्न राखेर विरोध जनाएका छन्।
उक्त कार्यक्रममा मन्त्री पोखरेललाई सहभागिताका लागि स्ववियु सभापति गोविन्द कोइरालाले मन्त्रालयमै पुगेर औपचारिक निमन्त्रणा दिएका थिए।
विश्वविद्यालय सुधारका विषयमा विद्यार्थीका अनुभव र सुझाव संकलन गर्ने, विद्यार्थी संगठनहरूको आगामी राजनीतिक भूमिका र त्यसमा सरकारको सहजीकरणबारे छलफल गर्ने उद्देश्यले कार्यक्रम तय गरिएको थियो।
तर निर्धारित कार्यक्रममा शिक्षामन्त्री नै उपस्थित नभएपछि विद्यार्थीहरूले व्यङ्ग्यात्मक रूपमा खाली कुर्सीलाई सम्बोधन गर्दै आफ्ना जिज्ञासा र असन्तुष्टि व्यक्त गरेका हुन्।
प्रकाशित मिति: २५ बैशाख २०८३, शुक्रबार
प्रतिक्रिया