काठमाडौं। नवलपरासी (बर्दघाट सुस्ता पूर्व) को कावासोती–१ लोकहा स्याउलीस्थित मकैबारीमा एक भाले गैँडा मृत अवस्थामा फेला परेको छ।
स्थानीय भीमबहादुर दर्जीको मकैबारीमा बिहीबार बिहान गैँडा मृत भेटिएको डिभिजन वन कार्यालय नवलपुरका प्रमुख विष्णुप्रसाद अधिकारीले जानकारी दिएका छन्।
उनका अनुसार मृत गैँडा वयस्क रहेको छ। गैँडाको खाग र खुर सुरक्षित अवस्थामा फेला परेको जनाइएको छ।
गैँडाको शरीरमा बाह्य चोटपटक नदेखिएकाले मृत्युको कारण खुल्न नसकेको र घटनाबारे थप अनुसन्धान भइरहेको वन कार्यालयले जनाएको छ।
प्रकाशित मिति: १ जेष्ठ २०८३, शुक्रबार
प्रतिक्रिया