कैलाली । घोडाघोडी नगरपालिका–१० भाकलस्थित कान्द्रा नदीमा डुबेर एक बालकको मृत्यु भएको छ।
स्थानीय भद्र बमका ९ वर्षीय छोरा सुशील बमको नदीमा डुबेर ज्यान गएको प्रहरीले जनाएको छ।
शनिबार दिउँसो नुहाउने क्रममा उनी नदीमा डुबेर बेपत्ता भएका थिए। घटनापछि खोजी तथा उद्धारका लागि प्रहरी चौकी पहलमानपुरबाट टोली परिचालन गरिएको थियो।
उद्धार गरी उपचारका लागि धनगढीस्थित निसर्ग अस्पताल लगिए पनि चिकित्सकले उनलाई मृत घोषणा गरेका प्रहरीले जनाएको छ।
प्रकाशित मिति: ३ जेष्ठ २०८३, आइतबार
प्रतिक्रिया