काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीका सांसदहरूलाई आफ्नो जिम्मेवारी स्पष्ट रूपमा बुझेर प्रभावकारी ढंगले काम गर्न निर्देशन दिएका छन् ।
शुक्रबार कोशी प्रदेशका सांसदहरूसँग भएको छलफलमा सभापति लामिछानेले सुरुवाती १०० दिनसम्म सांसदहरूको कार्यसम्पादनबारे सार्वजनिक टिप्पणी नगर्ने बताउँदै आ–आफ्नो भूमिका पहिचान गरी सक्रिय रूपमा काम गर्न आग्रह गरेका हुन् ।
छलफलपछि सांसद गणेश कार्कीले सभापति लामिछानेको भनाइ उद्धृत गर्दै भने, ‘आजको बैठक मुख्यतः सांसदहरूको अनुभव र अनुभूति सुन्न केन्द्रित थियो । उहाँले १०० दिनसम्म सांसदहरूको कामबारे टिप्पणी नगर्ने र सबैलाई आफ्नो जिम्मेवारी तथा भूमिकाबारे स्पष्ट हुन सुझाव दिनुभयो ।’
रास्वपाले प्रदेशगत रूपमा सांसदहरूसँग अन्तरक्रिया कार्यक्रम सञ्चालन गरिरहेको छ । सोही कार्यक्रमअन्तर्गत शुक्रबार सभापति लामिछानेले कोशी र मधेस प्रदेशका सांसदहरूसँग छलफल गरेका हुन् ।
प्रकाशित मिति: ८ जेष्ठ २०८३, शुक्रबार
प्रतिक्रिया