जनकपुरधाम। राष्ट्रिय स्वतन्त्र पार्टी (रास्वपा) बारा जिल्लाको विस्तारित बैठकका क्रममा तनाव चर्किँदा केही प्रतिनिधिसभा सदस्यहरूलाई बैठक स्थलबाटै लखेटिए को छ ।
शनिबार कलैयामा आयोजित बैठकमा बारा जिल्लाका सांसद रहबर अन्सारी, अरबिन्द साह, गणेश धिमाल र चन्दन सिंह सहभागी थिए ।
उनीहरूले संस्थापक पक्षलाई दबाब दिन खोजेपछि बैठकमा विवाद बढेको थियो ।
विवाद बढ्दै जाँदा आक्रोशित कार्यकर्ताहरूले उनीहरूलाई धक्का दिएर बैठक स्थलबाट बाहिर निकालेका थिए ।
स्थिति तनावपूर्ण बनेपछि प्रहरीले हस्तक्षेप गर्दै सांसदहरूलाई सुरक्षित रूपमा उद्धार गरेको छ ।
केही दिनअघि मात्रै रास्वपा बारा जिल्लाका संस्थापक अध्यक्ष चन्दन स्वर्णकारको सदस्यता खारेज गरिएपछि पार्टीभित्रको आन्तरिक विवाद थप चर्किएको थियो ।
प्रकाशित मिति: ९ जेष्ठ २०८३, शनिबार
प्रतिक्रिया