काठमाडौं । इलाका प्रहरी कार्यालय रामपुरठोक्सिलाबाट खटिएको प्रहरी टोलीले बेलका नगरपालिका–९ कमलाबारीबाट प्रतिबन्धित लागूऔषधसहित दुई जनालाई नियन्त्रणमा लिएको छ।
चतराबाट रामपुरतर्फ आउँदै गरेको बा ३० प ६००९ नम्बरको मोटरसाइकललाई शङ्कास्पद देखेर गएराति चेकजाँच गर्दा लागूऔषध फेला परेको प्रहरीले जनाएको छ।
मोटरसाइकल चालक बेलका–४ बस्ने २७ वर्षीय सन्देश मगर र पछाडि सवार बेलका–३ बस्ने २५ वर्षीय पारस राईलाई ब्राउन सुगर जस्तो देखिने २ ग्राम २०० मिलिग्राम लागूऔषधसहित पक्राउ गरिएको हो।
पक्राउ परेका दुवै जनालाई इलाका प्रहरी कार्यालय रामपुरठोक्सिलाको हिरासतमा राखी थप अनुसन्धान भइरहेको प्रहरीले जनाएको छ।
प्रकाशित मिति: १२ जेष्ठ २०८३, मंगलबार
प्रतिक्रिया