काठमाडौं । नेपाल प्रहरीले राष्ट्रिय महिला भलिबल टोलीकी चर्चित स्पाइकर तथा प्रहरी जवान पुनम चन्दलाई सात दिनभित्र कार्यालयमा उपस्थित हुन सार्वजनिक सूचना जारी गरेको छ । प्रहरी प्रधान कार्यालयका अनुसार अस्ट्रेलिया गएपछि उनी चैत १५ गतेदेखि लगातार गैरहाजिर रहँदै आएकी छन् ।
प्रहरीले पुनमसहित सात जना प्रहरी कर्मचारी लामो समयदेखि बिना जानकारी कार्यालयमा अनुपस्थित रहेको र सम्पर्कविहीन बनेको जनाएको छ । त्यसैले उनीहरूलाई निर्धारित समयभित्र कार्यालयमा हाजिर हुन निर्देशन दिइएको हो ।
प्रहरीद्वारा जारी सूचनामा सात दिनभित्र पनि सम्पर्कमा नआए वा कार्यालयमा उपस्थित नभए प्रचलित कानुनी व्यवस्था अनुसार प्रहरी सेवाबाट हटाउने प्रक्रिया अघि बढाइने उल्लेख गरिएको छ ।
प्रकाशित मिति: १२ जेष्ठ २०८३, मंगलबार
प्रतिक्रिया