काठमाडौं । नेपाली एमएमए खेलाडी रवीन्द्र ढाँटले ‘रोड टु यूएफसी’ सिजन–५ को सेमिफाइनलमा स्थान बनाएका छन् । उनले अब अस्ट्रेलियाका कासिब मर्डोकसँग प्रतिस्पर्धा गर्नेछन् ।
मकाओस्थित ग्यालेक्सी एरिनामा बिहीबार सम्पन्न ब्यान्टमवेट क्वार्टरफाइनलमा मर्डोकले जापानका युनोसुके मिनामीलाई तेस्रो राउन्डमा सबमिसनमार्फत पराजित गर्दै सेमिफाइनल यात्रा तय गरेका हुन् ।
यसअघि बिहीबार नै भएको अर्को क्वार्टरफाइनल भिडन्तमा रवीन्द्रले फिलिपिन्सका किमबर्ट एलिन्टोजोनलाई दोस्रो राउन्डमा टेक्निकल नकआउट (टीकेओ) गर्दै अन्तिम चारमा स्थान सुरक्षित गरेका थिए ।
‘रोड टु यूएफसी’मा प्रतिस्पर्धा गर्ने रवीन्द्र पहिलो नेपाली खेलाडी हुन् । उनको ऐतिहासिक यात्राले नेपाली एमएमए खेलकुदमा नयाँ उत्साह थपेको छ ।
प्रकाशित मिति: १४ जेष्ठ २०८३, बिहिबार
प्रतिक्रिया