काठमाडौं । प्रधानमन्त्री बालेन्द्र शाहले नेपाल–भारत सीमा क्षेत्रमा दुवै देशका तर्फबाट जग्गा अतिक्रमणका घटनाहरू भएको दाबी गरेका छन् ।
आइतबार प्रतिनिधिसभा बैठकमा सांसदहरूले उठाएका प्रश्नहरूको जवाफ दिँदै उनले यस्तो धारणा व्यक्त गरेका हुन् ।
श्रम संस्कृति पार्टीका सांसदले लिपुलेक, लिम्पियाधुरा र कालापानी सम्बन्धी विषय उठाएपछि प्रधानमन्त्री शाहले त्यसबारे सरकारको धारणा स्पष्ट पारेका थिए ।
उनले सीमा विवादलाई समाधान गर्न कूटनीतिक संवादलाई नै मुख्य माध्यम बनाइने उल्लेख गर्दै यस प्रक्रियामा आवश्यक परेमा बेलायतको समेत राय–सुझाव लिइने बताए ।
प्रधानमन्त्री शाहले दुवै देशबीचका सीमा विवादलाई संवाद र कूटनीतिक पहलमार्फत समाधान गर्नुपर्नेमा जोड दिएका थिए।
प्रकाशित मिति: १७ जेष्ठ २०८३, आइतबार
प्रतिक्रिया