काठमाडौं । प्रधानमन्त्री बालेन्द्र शाहले मन्त्रिपरिषद् विस्तार गर्दै दुई नयाँ मन्त्री नियुक्त गरेका छन्। मंगलबार गरिएको मन्त्रिपरिषद् पुनर्गठनअन्तर्गत सुधन गुरुङलाई गृहमन्त्री तथा महावीर पुनलाई विज्ञान, प्रविधि तथा नवप्रवर्तनमन्त्रीको जिम्मेवारी दिइएको हो।
नवनियुक्त मन्त्रीद्वयले पद तथा गोपनीयताको शपथ लिएसँगै सरकारको मन्त्रिपरिषद्ले नयाँ स्वरूप प्राप्त गरेको छ। गुरुङको नियुक्तिसँगै गृह मन्त्रालयले नयाँ नेतृत्व पाएको छ भने विज्ञान, प्रविधि तथा नवप्रवर्तन मन्त्रालयको नेतृत्व महावीर पुनले सम्हाल्ने भएका छन्।
दुई मन्त्री थपिएपछि प्रधानमन्त्री शाह नेतृत्वको मन्त्रिपरिषद् १७ सदस्यीय बनेको छ। सरकार विस्तारसँगै प्रशासनिक तथा नीतिगत कार्यसम्पादनलाई थप प्रभावकारी बनाउने अपेक्षा गरिएको छ।
सरकारले विज्ञान, प्रविधि र नवप्रवर्तन क्षेत्रलाई प्राथमिकतामा राख्दै नयाँ मन्त्रालय गठन गरेपछि उक्त मन्त्रालयको नेतृत्वमा पुनको नियुक्तिलाई विशेष महत्वका साथ हेरिएको छ। यस्तै, गुरुङको पुनरागमनले गृह प्रशासनलाई थप सुदृढ बनाउने विश्वास सरकारको रहेको छ।
प्रकाशित मिति: २६ जेष्ठ २०८३, मंगलबार
प्रतिक्रिया