काठमाडौं । श्रम सँस्कृति पार्टीका अध्यक्ष समेत रहेका सांसद हर्क साम्पाङले प्रधानमन्त्री बालेन शाहको अभिव्यक्तिले नेपालको अन्तर्राष्ट्रियस्तरमा बेज्जत भएको र शीर निहुरिएको टिप्पणी गरेका छन् ।
प्रतिनिधिसभाको वैठकमा बोल्दै सांसद साम्पाङले प्रधानमन्त्री संविधान र संसद भन्दा ठूलो नभएको बताए । उनले प्रधानमन्त्रीले नेपालले भारतको सीमा मिचेको भनेर दिएको अभिव्यक्ति गम्भिर र आपत्तिजनक भएको समेत बताए । उनले प्रधानमन्त्री संविधानको धारा भन्दा माथि नभएको बताउँदै प्रधानमन्त्रीलाई जिम्मेवार बनाउनै पर्ने बताए ।
उनले भूगोल बिनाको देश नहुने समेत बताएका छन् । महाकालीमा पनि विभिन्न खालका तटबन्धन लगाएर भइरहेको सीमा अतिक्रमणबारे ध्यान दिइनरहेको बताए । सरकारका प्रधानमन्त्री आफैले हामीले भारतको सीमा मिचेका छौं भनिदिएपछि राष्टिय विवाद सिर्जना भएर अन्तर्राष्टिय बेइज्जत भइरहेको बताए । सीमाकै विषयमा अहिले प्रधानमन्त्रीलाई समेत गालीगलौजहरु भइरहेको बताउँदै उनले यसले हाम्रो शीर निहुरिएको छ या ठाडो छ भन्दै प्रश्न समेत गरे । उनले सभामुखले बोल्न पाउने अधिकारलाई सुनिश्चित गर्नुपर्ने बताउँदै आफू विधिमा जाऔं भन्ने मान्छे भएको बताए ।
प्रकाशित मिति: २७ जेष्ठ २०८३, बुधबार
प्रतिक्रिया