काठमाडौं। धनगढी नजिकै गोदावरी नगरपालिका–४ मा गोदावरी नदी तर्ने क्रममा बाढीले बगाउँदा दुई महिलाको मृत्यु भएको छ।
इलाका प्रहरी कार्यालय मालाखेतीका अनुसार मृत्यु हुनेमा ४० वर्षीया कल्पना साउँद र ५५ वर्षीया महेश्वरी धमला रहेका छन्।
प्रहरीका अनुसार शुक्रबार बिहान च्याउ टिप्न घरबाट निस्केका उनीहरूलाई चुरे क्षेत्रमा भएको अविरल वर्षापछि गोदावरी नदीमा आएको आकस्मिक बाढीले बगाएको हो।
घटनापछि तत्काल खोजीमा खटिएको प्रहरी टोलीले दुवै जनाको शव गोदावरीस्थित आर्यघाट नजिक फेला पारेको जनाएको छ। प्रहरीले घटनाबारे थप अनुसन्धान गरिरहेको छ।
प्रकाशित मिति: २९ जेष्ठ २०८३, शुक्रबार
प्रतिक्रिया