काठमाडौं । नेकपाका नेता कृष्णबहादुर महराले पार्टीसँगको आफ्नो राजनीतिक सम्बन्ध अन्त्य गरेको घोषणा गरेका छन्।
बिहीबार जारी गरेको विज्ञप्तिमार्फत महराले पार्टी परित्याग गरेको जानकारी दिएका हुन्। उनले पार्टी छोड्ने निर्णयबारे सार्वजनिक जानकारी गराउँदै आफ्नो आगामी राजनीतिक यात्राबारे भने कुनै स्पष्ट संकेत गरेका छैनन्।
महराले विज्ञप्तिमा पार्टीभित्रको आफ्नो भूमिका, अनुभव तथा निर्णयका कारणबारे धारणा राख्दै अबदेखि आफू पार्टीको कुनै पनि गतिविधिमा संलग्न नहुने उल्लेख गरेका छन्।
उनको पार्टी परित्यागसँगै नेकपाभित्र नयाँ राजनीतिक बहस सुरु भएको छ। महराको निर्णयलाई पार्टी नेतृत्व र कार्यकर्ताले कसरी लिन्छन् भन्ने विषयलाई चासोका साथ हेरिएको छ।
यद्यपि, उनले पार्टी त्याग्नुको विस्तृत कारणबारे भने विज्ञप्तिमा थप विवरण सार्वजनिक गरेका छैनन्।
प्रकाशित मिति: ४ असार २०८३, बिहिबार
प्रतिक्रिया