काठमाडौं । हुम्लाको श्रीनगर क्षेत्र केन्द्रबिन्दु भएर आइतबार दिउँसो ४.१ म्याग्निच्युडको भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार दिउँसो २ बजेर ३२ मिनेटमा हुम्ला जिल्लाको श्रीनगर आसपास केन्द्रबिन्दु बनाएर उक्त भूकम्प गएको हो।
भूकम्पको धक्का हुम्लासहित आसपासका जिल्लामा समेत महसुस गरिएको बताइएको छ। यद्यपि, हालसम्म भूकम्पबाट मानवीय वा भौतिक क्षति भएको कुनै आधिकारिक विवरण प्राप्त नभएको सम्बन्धित निकायले जनाएको छ।
भूकम्पपछिको अवस्थाबारे स्थानीय प्रशासन तथा सरोकारवाला निकायले निगरानी गरिरहेको जनाइएको छ।
प्रकाशित मिति: ७ असार २०८३, आइतबार
प्रतिक्रिया