काठमाडौं । पासपोर्ट तथा वैध भिसाबिनै नेपालमा बसोबास गर्दै आएका २४ जना बङ्गलादेशी नागरिक पक्राउ परेका छन्।
जिल्ला प्रहरी परिसर काठमाडौंका अनुसार उनीहरू विभिन्न समयमा नेपाल प्रवेश गरी भिसाको म्याद सकिएपछि पनि गैरकानुनी रूपमा काठमाडौंका विभिन्न क्षेत्रमा बस्दै आएका थिए। प्रहरी वृत्त स्वयम्भूको टोलीले डल्लु, सितापाइला लगायतका क्षेत्रमा सञ्चालित कपडा कारखानामा काम गरिरहेका बेला उनीहरूलाई नियन्त्रणमा लिएको हो।
पक्राउ परेका सबैलाई थप कारबाहीका लागि अध्यागमन विभाग, कालीकास्थान पठाइएको प्रहरीले जनाएको छ।
प्रकाशित मिति: १० असार २०८३, बुधबार
प्रतिक्रिया