काठमाडौं। नेपाली वेब सिरिजको क्षेत्रमा अर्को नयाँ परियोजनाको रूपमा ‘बागबजार’ निर्माण हुने भएको छ। हालै सार्वजनिक गरिएको यसको पहिलो पोस्टरले दर्शकमाझ उत्सुकता र जिज्ञासा बढाएको छ।
गाढा रंग, शहरका अँध्यारा गल्लीहरू, मौन अनुहारहरू र समयको बेचैनी झल्काउने पोस्टरले यो सिरिजले कुनै गम्भीर विषयलाई स्पर्श गर्न सक्ने संकेत दिएको छ। यद्यपि निर्माण पक्षले कथावस्तु, पात्र वा विषयवस्तुबारे विस्तृत जानकारी सार्वजनिक गरेको छैन।
निर्माण टोलीका अनुसार ‘बागबजार’ समकालीन नेपाली समाज र समयसँग जोडिएको एक विशेष परियोजना हो। सिरिजको कथा र विषयवस्तुबारे अहिले नै खुलाउन नचाहिएको जनाइएको छ।
सामाजिक सञ्जालमा सार्वजनिक भएको पोस्टरपछि दर्शकमाझ विभिन्न अड्कलबाजीहरू सुरु भएका छन्। कतिपयले यसलाई युवापुस्ताको कथा हुन सक्ने बताएका छन् भने कतिपयले शहर र समयको बदलिँदो परिवेशलाई केन्द्रमा राखिएको अनुमान गरेका छन्।
सिरिजको निर्माणमा Blue Print Creative Studio तथा UP ART AND CREATION को सहकार्य रहेको छ।
निर्माण टोली
कथा तथा निर्देशन : उत्सव पौडेल
निर्माता : शारदा पौडेल
पटकथा : उत्सव पौडेल तथा तिलक भण्डारी
छायांकन निर्देशक : दिप्सन डंगोल
पब्लिसिटी डिजाइन : नेत्र प्रसाद अधिकारी
निर्माण पक्षले प्रदर्शन मिति तथा अन्य विवरण भने उपयुक्त समयमा सार्वजनिक गरिने जनाएको छ।
यसैबीच, सार्वजनिक पोस्टरले एउटा प्रश्न भने दर्शकमाझ छोडेको छ—
आखिर ‘बागबजार’ कुन कथा बोकेर आउँदैछ?
यसको उत्तरका लागि भने दर्शकले केही समय अझै प्रतीक्षा गर्नुपर्ने देखिन्छ।
‘बागबजार’ — चाँडै आउँदै !
प्रकाशित मिति: १५ असार २०८३, सोमबार
प्रतिक्रिया