काठमाडौं । नेपाल सरकारले एसियाली विकास बैंक (एडीबी)सँग १६ करोड ५० लाख अमेरिकी डलर (करिब २५ अर्ब रुपैयाँ) बराबरको सहुलियतपूर्ण ऋण सम्झौता गरेको छ।
अर्थमन्त्री डा. स्वर्णिम वाग्ले र एडीबीका अध्यक्ष मासातो कान्डाको उपस्थितिमा भएको सम्झौताअनुसार उक्त रकम एकीकृत खानेपानी तथा ढल व्यवस्थापन आयोजना र दक्षिण एसिया उपक्षेत्रीय आर्थिक सहयोग (सासेक) अन्तर्गत आपूर्ति व्यवस्थापन सुधार कार्यक्रममा परिचालन गरिनेछ।
ढल तथा खानेपानी पूर्वाधार निर्माणका लागि ११ करोड ५० लाख अमेरिकी डलर र भन्सार प्रक्रिया तथा लजिस्टिक सेवा आधुनिकीकरणका लागि ५ करोड अमेरिकी डलर खर्च गरिने अर्थ मन्त्रालयले जनाएको छ।
प्रकाशित मिति: २२ असार २०८३, सोमबार
प्रतिक्रिया