काठमाडौं । सर्लाहीमा आत्मदाह प्रयास गरेका ३५ वर्षीय विवेक मण्डललाई उपचारका लागि नेपाली सेनाको हेलिकोप्टरमार्फत काठमाडौँ ल्याइएको छ।
सर्लाहीको गोडैता नगरपालिका–१० निवासी मण्डलले शुक्रबार पेट्रोल छर्केर आफ्नै शरीरमा आगो लगाएका थिए। जिल्ला प्रहरी कार्यालय सर्लाहीका प्रमुख एसपी रविन्द्र पौडेलका अनुसार उनलाई थप उपचारका लागि काठमाडौँ पठाइएको हो।
प्रहरीका अनुसार मण्डललाई कीर्तिपुरस्थित बर्न अस्पतालमा उपचारका लागि लगिएको छ। प्रारम्भिक जानकारीअनुसार उनी मानसिक समस्याबाट पीडित रहेको उनका आफन्तले बताएका छन्।
प्रकाशित मिति: २६ असार २०८३, शुक्रबार
प्रतिक्रिया